فيروس هجرك عطل القلب تعطيل

القلب , تعطيل , فيروس , هجرك

فيروس هجرك عطل القلب تعطيل


فيروس هجرك عطل القلب تعطيل
دمر ملفات الفـرح فـي حياتـي


ياللي سكنت القلب مندون تحميـل
متـى لموقعنـا تشـرف وتاتـي


عنوانكم ماهوب ياهـو وهتميـل
عنوانكم روحـي وقلبـي وذاتـي


دايم عليك ابحث بياهـو وقوقيـل
والا انت ماتسـال علينـا بتاتـي


كم مرة ارسلت لك عبـر الايميـل
وادورك فـي منتدايـه وشـاتـي


خابرك بنتنيوم فور اصلي وانتيـل
لكن خسـاره غيـروك الوشاتـي


وكان الهكرز غروك بالقال والقيل
ادعي عليهم بسجـودي وصلاتـي


ياجعلهـم بقعـاء وطيـر ابابيبـل
ترمي عليهم بامر ربي حصاتـي


يرضيك من حبك غدامنهك الحيـل
ريقي غدا ناشف ونشفت شفاتـي


اقضي الليالي دمع عيني هماليـل
لامن طريتي لـي تبـدد سباتـي


صحراي جفت مالفاتنـا مخاييـل
وانت المزون اللي تروي النباتـي


ياشين حالي لاقريـت المراسيـل
في الاوتلك اذكر قصص ماضياتي


منك حزين الحرف ذاق البهاذيـل
وقلبك مثل قرص صلب به قساتي


موقعـك بوجهـي مقفـل بتقفيـل
حتى البروكسي مانفع وش سواتي


بمفضلت قلبي عطينـاك تفضيـل
انـت المفضـل عندنـا ياغناتـي


ويازين هجرك عطل القلب تعطيـل
من غيرشوفك وش تساوي حياتي


ماعدت افرق بين اكسس واكسيـل
وماعدت افرق بين بالتوك وشاتي


اشكي على الكيبورد كثر الغرابيـل
واكتب على الوورد المطور وصاتي


وهذي النهايه حطها وسط تظليـل
لامت في غيابك هوسبايب وفاتـي