ابو ذية للعشاق

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه

................................
قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه

................................
يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه

..............................
وحك آية عصا موسى وسينا
إلك حثت رجا يبنه وسينا
إلك حسن النبي يوسف وسينا
إلي والنور الك والنـار اليه
............................

أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه

................................
أنت الشمس وأنت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه

................................
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه

..............................
حبي إلك مافد يـــــــــــــوم ينقص
أو ليش الصاحب أمن ايغيب ينقص
زمن خل الحديد أبخشب ينقص
ويخلـــــــــــــي ألماله أول بالثنية

.....................................
بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه

................................
ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه

...............................
علامات الكبر بـانت ولإحن
أو هويا المنكسر قلبه ولإحن
بعد ما أنشد عنــــهم ولإحن
ولإحن بعد بالمـــــــالي بيه

..............................
عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه

..............................
حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه

..................................
قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه

..............................
بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه

.................................
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه

..............................
مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه

............................

وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه

.................................
أحبـــج ما أحب غــــــيرك بدالاج
أو شوقي ما بدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل عليه

................................
وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضيه

............................
سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه

..............................
سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بيه

يارب تعجبكم
مع التحيات
الحُــــــــ أمير ـــــــــــــب

عاشت ايدك اخي
الابوذيات جميله
مشكووووووووور

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو خيو
كللللللللللللش حلوات
تقبل مروري

كلمات اجبرتني علي مشاركتكـ لاحساسي بصدقها

وايمانا مني بقلم يختار اجود المفردات

ماذا أقول لكـ يا سيد الحرف ومنبع المعاني

وبستان الكلام ..المعطره

لك كل مني خالص التحيه

» لماذا البحر للهموم والسماء للعشاق ؟؟؟