مساجله من الدارميات
دارت بين نبذه من شعراء من ناحية الغراف
في يومالسبت المصادف 14\8\2010
اتمنه موتي يصير من تكصر الايد
اشلون اذا رمضان خلص وجه العيد
صبارالخفاجي
بطران اجاني العيد وشعنده باقي
هيه العياد اتلوك وي العراقي
كرار المفضل
نحسب احساب العيد نتنطر العيد
بس مايجينه العيد مادامك بعيد
غفار السعداوي
باجر يجينه العيد بس جنه موعيد
للموت اضل حزنان جيه لنك بعيد
غالب الخفاجي
لتكلنه باجر عيد خلينه صيام
مابيه ابو الحسنين ويفرح اليتام
حيدر الرماحي
منك وحق عيناك كلشي انه ماريد
بس الزعل تنساه وي ترة العيد
اياد الاخرس
بس الك يحلى العيد يل جنك العيد
عيدنه من شفناك مانلبس اجديد
على العسكري
بلعيد اعيد عود كل ضنك انته
عيدي انه من جافيت مات ودفنته
صلاح الشاعر
موضوع: مساجله دارميات للعيد 
الخميس سبتمبر 09, 2010 1:01 am
