انتهينه وصارت القصه سوالف
وصارت ايام العشك كلش حزينه
جان كلبي ينبض بحب وحنين
وهسه باحزان والم نبضة وانينه
اشلون اصبر كلبي لو مره ذكرهم ؟
وظل يلوب من شوكه وحنينه
وشرد اكل للروح لو هامت عليهم
وشرد اجاوبها اذا سألتني وينه
وعيني من تشتاك للصوره شأكلها ؟
شراح اكلها بنار هجرانه انجوينه
نار الشوك يلغالي جوتني
هم يهزك شوك من تذكر حجينه
تدري كل لحضه التمر انت اعله بالي
اشلون كلي اصبرت يل مبعد علينه
مثل حال اليتيم بليلة العيد
حالي اعليك يل رحت من ادينه
صدك ما تنحمل لحضات الفراك
متحملين وداعتك غصبن علينه
صدك ما تنحمل لحضات الفراك
متحملين وداعتك غصبن علينه
موضوع: انتهينه وصارت القصه سوالف 
الأحد أغسطس 15, 2010 11:45 pm
