منتديات لمسات الملاك
ألسلام عليكم ورحمة الله وبركاته ..... ثمة مجتمع هنا باذخ بالعطاء مسرف بالجمال ينتظرك ... برائحه الهيل وبشذى الزهور وهمسات الطيور من وهج لمسات الملاك ينبعث النور ومن اخلاص اقلامهم يولد المبدعون انضم لاعضاء لمسات الملاك وبادر بالتسجيل يا زائرنا الكريم انضم الينا وكن ملكاً من ملائكه لمسات الملاك واترك بصمتك ولمستك الرقيقة في منتدانا فأهلا ومرحبا بك
تحياتنا.....
الاداره



 
الرئيسيةالبوابةس .و .جبحـثالتسجيلدخول

شاطر | 
 

 ودع وطن طيبه حسين

اذهب الى الأسفل 
كاتب الموضوعرسالة
سيزار

avatar


مُساهمةموضوع: ودع وطن طيبه حسين   الخميس مارس 31, 2011 6:22 am

ودع وطن طيبة حسين
ولكربلا تعناهه
حفت بالضعن عدنان
وتعنت مناياهه

يثرب حين ودعها
وعنها الضعن راد يشيل
سمعت هاشم بنيته
ناوي على المسير بليل
لفاه محمد يناديه
ودمعه على خدوده يسيل

ناوي بهالضعن لاوين
ماخذ كل هلك يحسين
لاتضعن يا نور العين
يثرب ما تود فرگاك
ليش تريد فرگاهه


ليش بضعنك بهالليل
طالع من وطن جدك
يظلم من عگب عينك
وهاشم تنذل من بعدك
إنجان الگصد للكوفه
إترك يا فحل گصدك

لا تضعن لواديها
تخونك بس تصل ليها
ياخويه نسيت أهاليها
وخوك شسوت وعوده
تدري بكل فجاياها

لمن سمع حجيه حسين
ون وصفگ إيد بإيد
يگله عداي يردوني
ابايعهم وطيع يزيد
واگضي العمر بالذله
يخويه لهالعمر ماريد

خليني ارشد بنيتي
وآخذ كل أهل بيتي
بالعز رايد منيتي
عليل الدين يامحمد
ودمي لعلته دواهه

هيهات أصبر على الظيم
وعليه تغمض عيوني
لن صوت العليله تصيح
ياهل الضعن تانوني
صاح ارشد ياحادي وسير
وتجدم على ضعوني

ياهلي وياكم إخذوني
عگبكم تعمى عيوني
وحدي لا تخلوني
فرگاكم هدم حيلي
وروحي المرض اسلاهه


ياويلي من سمعها حسين
رد من الضعن ليها
گعد يمها يصبرها
على فرگاه ويسليها
يگلها يا ضوه عيوني
دمعتج لا تهليها

يابويه للوطن ردي
وخليني ارشد بگصدي
ونتج ذوبت جبدي
تراني من اسمع ونينج
روحي تزود بلواها


تگله شلون اتم وحدي
ولاعرف وين منواكم
عگبكم من يصبرني
ويسليني على فرگاكم
يابويه وياكم إخذوني
أموتن واحتيي وياكم
مني ليش تتعذر
وآنه على البعد ماگدر
ضعنكم ناحر بهالبر
ولا أدري رگايبكم
وين يصير منواهه

جاوبها عليله إنتي
يابويه وخطر مسرانه
وخاف من التعب ياذيج
لو خذناج ويانه
كلنا هنا وبعد ايام
اودي لج الريحانه

يجيبج والشمل يلتم
گلبج لا يظل يهتم
گلبي عليج يتألم
لو شفتج بهالحاله
روحي الحزن يسلاهه

تگله كلكم تغيبون
وابگه بهالوطن وحدي
مالي حيل فرگاكم
وذاب من الحزن جبدي
يابويه عاد خليلي
عبدالله الطفل عندي

بلجن يرد وحشتكم
يسليني على فرگتكم
خاف تطول غيبتكم
خاف دمعتي تجري
ولا ينگطع مجراها

گلها شلون عبدالله
نمشي وعندج نخليه
عليه أمه شيصبرها
وتصعب فرگة أمه عليه
خويه حرمله ظالم
لخوج بكربله يتانيه

صايغ له لخيج طوگ
لبسه بس عليه يلوگ
جنه عاشگ ومعشوگ
يطوّگ رگبته بنبله
تظل للحشر وياهه

كون من الدليل تشوف
أخيج سابح بدمه
وسدر بيه للمخيم
ومني تاخذه أمه
نوبه تشم وجناته
ونوبه بمنحره تشمه

وساعة تخمش بخدها
ولا يبگه عگل عدها
بويه الله يساعدها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الكربلائي

avatar


مُساهمةموضوع: رد: ودع وطن طيبه حسين   الجمعة أبريل 01, 2011 4:54 am

بوركت اخي الكريم على هاي القصائد الجمييييييييييييله
[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://angel-touches9.ahlamountada.com
سيزار

avatar


مُساهمةموضوع: رد: ودع وطن طيبه حسين   الجمعة أبريل 01, 2011 1:26 pm

أني خادم لكل حسيني حبيبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اندمال الجرح

avatar


مُساهمةموضوع: رد: ودع وطن طيبه حسين   السبت أبريل 02, 2011 8:34 pm

قصيده راااااااااااااااااااااااااائعه وجميله
بارك الله بجهودك اخي
تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سيزار

avatar


مُساهمةموضوع: رد: ودع وطن طيبه حسين   الإثنين أبريل 04, 2011 8:59 am

أشكرك حبيبي ياوردة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير الحب ♥ توفي ♥

avatar


مُساهمةموضوع: رد: ودع وطن طيبه حسين   الأحد أغسطس 28, 2011 7:06 am


امر من صفحاتك وأقف أمامكـ .. صامت..

من جمال ما أراه

حسن أبداعكـ وصياغتكـ المتقنة ...

فأنا لست ألا نقطة من بحور أبداعاتـكـ

وبوووح قلمكـ نثر ما قد يجول في الأنفس دون استشعااار

هزززز الوجدان وتزلزلت البقايا الراكده منذ العصور .....

لكـ مني كل التقدير على جمالية طرحكـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ودع وطن طيبه حسين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات لمسات الملاك  :: المنتدى الادبي :: قسم الخواطر والاشعار-
انتقل الى: