ما ضل صوت بينه يالتسمعون

ما ضل صوت بينه يالتسمعون

وبعدنه بلايا كلمة الترفع الراس

غثاء السيل صرنه وماكو راية

وصل تعدادنه لحد الملايين

مو نسمه وصل حد الضحايه

ما ضل صوت بينه يا التسمعون

تعبنة من الشعر ومن القرايه

ما ادرى العتب عالساسة يا صاح

لو نعتب على اهل اللحايه

ابن الوطن لبن الوطن ما خان

كلناها وحجينه من البداية

معروف الذبح والفجر وباك

ومعروفه بعد كل النوايا

وفرق بين الوكف تا ياخذ الثار

وفرق بين الوكف ياخذ تحايا

يم الله عرايا توكف الناس

ما مستغرب ومو عيب هايه

بس العيب وكت الانفجارات

جثث نسوان بالشارع عرايا

اريد احجي ولكن دون احراج

اسولفهه وشعب ينزف ورايه

العكل لو صح عكل تنحط عله الراس

لو عالراس احط فوطه وعباية

كلمات اجبرتني علي مشاركتكـ لاحساسي بصدقها

وايمانا مني بقلم يختار اجود المفردات

ماذا أقول لكـ يا سيد الحرف ومنبع المعاني

وبستان الكلام ..المعطره

لك كل مني خالص التحيه